મોહાલીમાં રમાયેલી મેચમાં મુંબઈ ઈન્ડિયન્સે પંજાબ કિંગ્સને 6 વિકેટે હરાવ્યું હતું. પંજાબે 200થી વધુ રનનો ટાર્ગેટ આપ્યો હતો. આમ છતાં તેને હારનો સામનો કરવો પડ્યો હતો. શિખર ધવનની કેપ્ટનશીપવાળી ટીમે પ્રથમ બેટિંગ કરતા 214 રન બનાવ્યા હતા. જવાબમાં મુંબઈએ 18.5 ઓવરમાં ટાર્ગેટ હાંસલ કરી લીધો હતો. પંજાબની હારના ઘણા કારણો હતા. આમાં ઈશાન કિશન સૌથી મોટું કારણ બન્યો. પંજાબના બોલરો તેને યોગ્ય સમયે આઉટ કરી શક્યા ન હતા. આ સાથે પંજાબના બોલરો સમયસર ભાગીદારી તોડી શક્યા ન હતા.
પંજાબ કિંગ્સે 20 ઓવરમાં 214 રન બનાવ્યા હતા. લિવિંગસ્ટોને 42 બોલમાં અણનમ 82 રન બનાવ્યા હતા. જિતેશ શર્માએ અણનમ 49 રન બનાવ્યા, બંનેએ ટીમના સ્કોરને 200 રનની પાર પહોંચાડી દીધો. જવાબમાં મુંબઈની ટીમે 18.5 ઓવરમાં ટાર્ગેટ હાંસલ કરી લીધો હતો. પંજાબની આ હાર માટે બોલિંગ આક્રમણ મોટાભાગે જવાબદાર હતું. અર્શદીપ સિંહે 3.5 ઓવરમાં 66 રન આપ્યા હતા. સેમ કરને 3 ઓવરમાં 41 રન આપ્યા હતા. રાહુલ ચહરે 3 ઓવરમાં 30 રન આપ્યા હતા. હરપ્રીત બ્રારે 2 ઓવરમાં 21 રન આપ્યા હતા. ટીમના બોલરો મુંબઈની ભાગીદારીને તોડી શક્યા ન હતા.
મુંબઈ માટે ઈશાન કિશન અને કેમેરોન ગ્રીન વચ્ચે 33 બોલમાં 54 રનની ભાગીદારી થઈ હતી. ઈશાને 26 રન અને ગ્રીને 23 રનનું યોગદાન આપ્યું હતું. સૂર્યકુમાર યાદવ અને ઈશાન વચ્ચે 55 બોલમાં 116 રનની ભાગીદારી થઈ હતી. સૂર્યાએ 66 રનનું યોગદાન આપ્યું હતું. જ્યારે ઈશાને 48 રનનું યોગદાન આપ્યું હતું. અંતે ટિમ ડેવિડ અને તિલક વર્મા વચ્ચે 38 રનની ભાગીદારી થઈ હતી. પંજાબના બોલરો આ ભાગીદારીને યોગ્ય સમયે તોડી શક્યા ન હતા.
આ જીત બાદ મુંબઈ પોઈન્ટ ટેબલમાં છઠ્ઠા નંબર પર છે. તેણે 9માંથી 5 મેચ જીતી છે. જ્યારે 4 મેચમાં હારનો સામનો કરવો પડ્યો છે. પંજાબ 7મા નંબર પર છે. તેણે 10માંથી 5 મેચ જીતી છે અને 5માં હારનો સામનો કરવો પડ્યો છે.
