July 12, 2024
રમતગમત

IPL: ધોનીએ આગામી સિઝન માટે પહેલેથી જ કરી લીધી છે તૈયારી, CSK તરફથી બહાર આવ્યું મોટું અપડેટ

ઇન્ડિયન પ્રીમિયર લીગની 16મી સિઝનમાં ધોનીની લોકપ્રિયતા તેની ટોચ પર છે. એવી અટકળો હતી કે ધોની આ સિઝન પછી IPLને અલવિદા કહી દેશે. પરંતુ પાંચમી વખત ટાઈટલ જીત્યા બાદ ધોનીએ સ્પષ્ટ કરી દીધું હતું કે આઈપીએલને અલવિદા કહેવાનો તેનો કોઈ ઈરાદો નથી. ચેન્નાઈ સુપર કિંગ્સ દ્વારા એવી પણ માહિતી આપવામાં આવી છે કે ધોનીએ આગામી સિઝન રમવા માટે મોટું પગલું ભરવાની તૈયારી કરી લીધી છે.

વાસ્તવમાં ઈન્ડિયન પ્રીમિયર લીગની 16મી સિઝનમાં ધોનીને ઘૂંટણના દુખાવાનો સામનો કરવો પડ્યો હતો. લગભગ તમામ મેચ દરમિયાન ધોની ઘૂંટણના દુખાવા સાથે રમતા જોવા મળ્યો હતો. જોકે, ધોની આગામી સિઝન પહેલા આ દર્દમાંથી મુક્તિ મેળવવા માંગે છે. આ માટે ધોની સર્જરીનો વિકલ્પ પણ પસંદ કરી શકે છે.

CSKના CEO કાશી વિશ્વનાથે જણાવ્યું છે કે ધોની સંપૂર્ણ રીતે ફિટ થવા માટે સર્જરીનો વિકલ્પ પસંદ કરશે. કાશી વિશ્વનાથે કહ્યું, “ધોની ડૉક્ટરને મળવા ગયો હતો. ધોનીએ સર્જરીનો વિકલ્પ પસંદ કર્યો છે. ધોની આગામી સિઝનમાં સંપૂર્ણ રીતે ફિટ થવા માટે સર્જરી કરાવશે.

ધોનીના ઘૂંટણમાં સતત સમસ્યા રહે છે

ધોનીને ડાબા ઘૂંટણમાં સતત દુખાવો રહે છે. આ જ કારણ હતું કે ધોની આ સિઝનમાં નંબર 8 પર બેટિંગ કરવા ઉતર્યો હતો. ધોની રનિંગ કરતી વખતે ઘણી મુશ્કેલીનો સામનો કરી રહ્યો હતો. જોકે ધોની આખી સિઝનમાં વિકેટકીપિંગ કરતો જોવા મળ્યો હતો અને તેણે CSKની કેપ્ટનશિપની જવાબદારી પણ સારી રીતે નિભાવી હતી.

ધોનીના નેતૃત્વમાં CSKએ રેકોર્ડ 5મી વખત IPLનો ખિતાબ જીત્યો છે. એટલું જ નહીં ધોનીના નેતૃત્વમાં CSK 10 વખત IPLની ફાઈનલ રમી ચૂકી છે. CSK સિવાય અન્ય કોઈ ટીમ 6 થી વધુ વખત IPL ફાઈનલમાં જગ્યા બનાવી શકી નથી.CSK સિવાય અન્ય કોઈ ટીમ 6 થી વધુ વખત IPL ફાઈનલમાં જગ્યા બનાવી શકી નથી.

Related posts

KKR Vs RCB: KKRના બે બોલરો સામે RCBનો ટોપ ઓર્ડર ફ્લોપ, મેચ પહેલા જાણો રસપ્રદ તથ્યો

Ahmedabad Samay

IPL 2023 Prize Money: ચેન્નઇ સુપર કિંગ્સ પાંચમી વખત બની ચેમ્પિયન, ધોનીને સોંપાયો 20 કરોડ રૂપિયાનો ચેક

Ahmedabad Samay

અદાણી ફાઉન્ડેશન દ્વારા નેત્રંગ તાલુકાની પ્રાથમિક શાળાના વિદ્યાર્થીઓ માટે વોલીબોલ ટૂર્નામેન્ટનું સફળ આયોજન…

Ahmedabad Samay

ભારતમા પ્રથમ વખત MotoGP રેસનુ આયોજન થશે.

Ahmedabad Samay

Asia Cup 2023: શ્રીલંકા એશિયા કપના આયોજન માટે તૈયાર, ટૂંક સમયમાં થઈ શકે છે મોટી જાહેરાત

Ahmedabad Samay

DC Vs MI: મુંબઈને 20મી ઓવરમાં 5 રનની જરૂર હતી, વાંચો મેચની છેલ્લા બોલ સુધીની રોમાંચક વાતો

admin

એક ટિપ્પણી મૂકો