મોદી સરકાર માટે મોટી રાહતના સમાચાર સામે આવ્યા છે. સુપ્રીમ કોર્ટે CAA પર હાલ સ્ટે મૂકવાનો ઇનકાર કરી દીધો છે. CAA વિરુદ્ધની અરજીઓની સુનાવણી ચીફ જસ્ટિસ ઓફ ઈન્ડિયા ડીવાય ચંદ્રચુડની આગેવાની હેઠળની બેન્ચ દ્વારા કરવામાં આવી હતી. સુપ્રીમ કોર્ટમાં આજે દેશભરમાંથી CAA વિરુદ્ધ દાખલ 200 થી વધુ અરજીઓ પર સુનાવણી થઈ. SCએ હાલમાં CAA પર કોઈપણ પ્રકારનો પ્રતિબંધ લગાવવાનો ઈન્કાર કર્યો છે.
કોર્ટે કેન્દ્રને જવાબ દાખલ કરવા માટે ત્રણ અઠવાડિયાનો સમય આપ્યો છે. હવે આ કેસની આગામી સુનાવણી 9 એપ્રિલે થશે. આ અરજી ઈન્ડિયન યુનિયન મુસ્લિમ લીગ દ્વારા દાખલ કરવામાં આવી હતી, જેમાં કાયદા હેઠળ મુસ્લિમો માટે રક્ષણની માંગ કરવામાં આવી હતી. IUMLએ કોર્ટને વિનંતી કરી હતી કે મુસ્લિમોને પણ નાગરિકતા માટે અરજી કરવાની મંજૂરી અપાય. કપિલ સિબ્બલે કોર્ટ પાસેથી CAA નોટિફિકેશન પર પ્રતિબંધ લગાવવાની માંગ કરી હતી.
