રાજકોટ લોકસભા બેઠકના ઉમેદવાર પરશોત્તમ રૂપાલા દ્વારા કરવામાં આવેલી વિવાદિત ટિપ્પણી બાદ ક્ષત્રિય સમાજમાં ભારે રોષ જોવા મળી રહ્યો છે. રાજ્યભરમાં ક્ષત્રિય સમાજ દ્વારા વિરોધ કરવામાં આવી રહ્યો છે, ત્યારે આજે કરણી સેનાના રાષ્ટ્રીય અધ્યક્ષ અમદાવાદ આવી પહોંચ્યા છે. જે બાદ બોપલ ખાતે ક્ષત્રિય સમાજની મહિલાઓને મળવા જતાં કરણી સેનાના રાષ્ટ્રીય અધ્યક્ષ મહિપાલસિંહ મકારણાની અટકાયત કરવામાં આવી છે.
કરણી સેનાના રાષ્ટ્રીય અધ્યક્ષની અટકાયત કરવામાં આવી છે. મહિપાલસિંહ મકારણા બોપલ જતા અટકાવ્યા છે. તેમને ક્ષત્રિયાણીઓને મળવા જતા અટકાવવામાં આવ્યા છે. સાથે જ કરણી સેનાના કાર્યકરોની પણ અટકાયત કરવામાં આવી છે. મહિપાલસિંહ મકારણાની અટકાયત કરવામાં આવતાં પોલીસ અને કાર્યકરો વચ્ચે ઉગ્ર બોલાચાલી થઇ હતી.
