અનંત-રાધિકાના લગ્ન દેશના સૌથી મોંઘા લગ્ન બનવા જઈ રહ્યા છે. દેશના સૌથી અમીર વ્યક્તિ અને રિલાયન્સ ઇન્ડસ્ટ્રીઝના ચેરમેન મુકેશ અંબાણીના નાના પુત્ર અનંત અંબાણી અને રાધિકા મર્ચન્ટ (અનંત-રાધિકા વેડિંગ)ના લગ્ન 12મી જુલાઈના રોજ થઇ ચૂક્યા છે, આ લગ્ન સમારોહ ત્રણ દિવસ સુધી ચાલ્યા હતા.
શુભ આશીર્વાદ સમારોહ 13મી જુલાઈના રોજ અને સ્વાગત સમારોહ 14મી જુલાઈના રોજ યોજાયો હતો. જેમાં વિશ્વભરમાંથી અનેક વીવીઆઈપી મહેમાનો હાજરી આપી હતી. આ સમગ્ર કાર્યક્રમ મુંબઈમાં જિયો વર્લ્ડ સેન્ટરમાં યોજાયો હતો. અનંત અંબાણીના લગ્નની વિધિ છેલ્લા 4 મહિનાથી ચાલી રહી છે. અનંત-રાધિકાના લગ્ન દેશના સૌથી મોંઘા લગ્ન બનવા જઈ રહ્યા છે.
આ મહાન હસ્તીઓ અનંત અંબાણીના લગ્નમાં મહેમાન બની આવ્યા હતા.
આ લગ્નમાં ઘણી આંતરરાષ્ટ્રીય હસ્તીઓ અને ભારતના અનેક વરિષ્ઠ નેતાઓ, મુખ્યમંત્રીઓ અને બોલિવૂડના કલાકારો અને અભિનેત્રીઓ ઉપરાંત હોલીવુડની હસ્તીઓ, આંતરરાષ્ટ્રીય ઉદ્યોગપતિઓ, વિશ્વના નેતાઓ આવી રહ્યા છે. દરેકને આમંત્રણો મોકલવામાં આવ્યા હતા તેમને લાવવા માટે પણ ખાસ વ્યવસ્થા કરવામાં આવી હતી.
અનંત-રાધિકાના લગ્નનો ખર્ચ.
જામનગર અને ઈટાલીમાં લગ્ન પહેલાની ઉજવણીથી લઈને લગ્ન સુધીના ખર્ચનો અંદાજ બહાર આવ્યો છે. રિપોર્ટ્સમાં કહેવામાં આવી રહ્યું છે કે મુકેશ અંબાણી તેમના પુત્રના લગ્ન પર લગભગ 4 થી 5 હજાર કરોડ રૂપિયા ખર્ચ કરી રહ્યા છે. એક અંદાજ એવો પણ છે કે આ લગ્નનો કુલ ખર્ચ મુકેશ અંબાણીની કુલ સંપત્તિના માત્ર 0.5% છે. અહેવાલો અનુસાર, મુકેશ અંબાણીની કુલ સંપત્તિ 123.2 અબજ ડોલર છે. અન્ય એક રિપોર્ટ અનુસાર મુકેશ અંબાણી આટલા પૈસા માત્ર થોડા કલાકોમાં કમાઈ લે છે.
દેશમાં લગ્નનો કુલ ખર્ચ
થોડા દિવસ પહેલા જ અમેરિકન ઇન્વેસ્ટમેન્ટ બેન્કિંગ અને કેપિટલ માર્કેટ ફર્મ જેફરીઝના રિપોર્ટમાં કહેવામાં આવ્યું હતું કે ભારતીય લગ્ન બજાર ઝડપથી વધી રહ્યું છે. આ રિપોર્ટમાં કહેવામાં આવ્યું છે કે હાલમાં ભારતમાં દર વર્ષે 80 લાખથી 1 કરોડ લગ્નો થઈ રહ્યા છે. જેમાં અંદાજે 10 લાખ કરોડ રૂપિયાનો ખર્ચ કરવામાં આવી રહ્યો છે. જ્યારે અમેરિકામાં માત્ર એક વર્ષમાં લગ્ન પાછળ 5 લાખ કરોડ રૂપિયાનો ખર્ચ થાય છે. મતલબ કે ભારતનું લગ્નનું બજાર યુએસ કરતા બમણું છે. આ મામલે દુનિયાની બીજી સૌથી મોટી અર્થવ્યવસ્થા ચીન ભારત કરતા થોડું આગળ છે. ચીનમાં લગ્નનું બજાર લગભગ 14 લાખ કરોડ રૂપિયાનું છે, જે વિશ્વમાં સૌથી વધુ છે.
