લોકડાઉન પેહલા લોકોમાં બહારનો લાઈવ હાંડવો ખાવાનું ક્રેઝ વધ્યું હતું , પરંતુ લોકડાઉન માં લોકો હાંડવો ખૂબ મિસ કરી રહ્યા છે માટે માસ્ટર શેફ રાજેશ આપ સૌ માટે લાવ્યા છે લાઈવ હાંડવાની રેસિપી.
સામગ્રી: કણકી ચોખા ૩ વાટકી,ચણા દાળ ૧ વાટકી,અડદ દાળ અડધી વાટકી, ખાટું દહીં,લીલા મરચા, કટકો આદું, તલ, કોથમીર, હળદર, ખાવા નો સોડા, ખાંડ, રાઈ, હિંગ, તેલ, કાચી શીંગ, દૂધી,ગાજર,લાલ મરચુ પાઉડર,મીઠો લીમડો,
રીત: ચોખા,ચણા-અડદ ની દાળ ને ભેગા કરી કકરો લોટ તૈયાર કરી લો. તેમાં દહીં નાખીને બરાબર મિક્ષ કરી,૬-૭ કલાક માટે આથી રાખવા મુકી રાખો,બાદ તેમાં છીણેલા ગાજર-દૂધી (છીણેલા ગાજર-દૂધી મા રહેલું પાણી નીચોવીને નીકળી લેવું )વાટેલા આદુ-મરચા, સમારેલ કોથમીર, તેમાં મીઠું,હળદર,થોડા તલ, લાલ મરચું,ખાંડ,કાચી શીંગ ને તેલમાં સાંતળી લો,છેલ્લે સોડા નાખીને બરાબર મિક્ષ કરી લો પછી નોનસ્ટિક ફ્રાયપેન કે કડાઈમાં ૧૦૦ગ્રામ જેટલું તેલ લઈ તેમાં રાઈ-તલ-મીઠોલીમડો-હિંગ નો વઘાર કરી તેમાં જરૂર મુજબ બનાવેલ ખીરુ નાખી બંને બાજુ લાલ રંગનો થાય ત્યાં સુધી ઢાંકીને રાખો આમ હાંડવો તૈયાર છે ખાવા માટે.
રેસિપી બાય: શેફ રાજેશ ઠાકોર
ટિપ્સ
(હાંડવો ની વચ્ચેના ભાગ માં ચક્કુ નાખીને ચેક કરો તે કાચો હશે તો ચક્કામાં ખીરું ચોટશે)
(તેમાં ગમતા શાકભાજી નાખી શકાય)(ખાવાનો સોડા નહોય તો સાદો ઈનો નાખી શકાય)(ખટાશ ઓછી હોય તો લીંબુ રસ નાખી શકાય)(કણકી ચોખા થી સ્વાદિષ્ટ બને છે)(આ લોટ થી ઢોકળા પણ બનવી શકાય)
