November 12, 2026
Other

16 જુલાઈ, 2026ના પાવન પર્વે ભગવાન જગન્નાથજીની ૧૪૯મી ઐતિહાસિક અને પૌરાણિક રથયાત્રાની તૈયારીઓ તડામાર ચાલુ

અમદાવાદમાં આગામી 16 જુલાઈ, 2026 (અષાઢ સુદ બીજ) ના પાવન પર્વે ભગવાન જગન્નાથજીની ૧૪૯મી ઐતિહાસિક અને પૌરાણિક રથયાત્રા ભવ્ય રીતે નીકળવા જઈ રહી છે. જમાલપુર દરવાજા બહાર આવેલા શ્રી જગન્નાથજી મંદિરના પ્રાંગણમાંથી સવારે 7:00 કલાકે આ દિવ્ય મહોત્સવનો શુભારંભ થશે. ભગવાન જગન્નાથ, મોટા ભાઈ બલભદ્ર અને બહેન સુભદ્રાજી અદભુત રથમાં સવાર થઈને ભક્તોને દર્શન આપવા નગરચર્યાએ નીકળશે.

આ ભવ્ય રથયાત્રાના પ્રારંભ પૂર્વે પરંપરાગત પહિન્દ વિધિ યોજાશે. ગુજરાત રાજ્યના મુખ્યમંત્રી ભૂપેન્દ્રભાઈ પટેલ અને નાયબ મુખ્યમંત્રી હર્ષભાઈ સંઘવીના શુભ હસ્તે સોનાના સાવરણાથી રથનો માર્ગ સાફ કરી, રથ ખેંચીને યાત્રાનો વિધિવત પ્રારંભ કરાવવામાં આવશે. આ વર્ષે રથયાત્રા મહોત્સવના મુખ્ય યજમાન તરીકે નિતિનભાઈ રતીભાઈ પટેલ અને શ્રીમતિ સુલોચનાબેન પટેલ સેવા આપશે.

આ અલૌકિક ધાર્મિક પ્રસંગે અનેક મહાનુભાવો ખાસ ઉપસ્થિત રહીને ભગવાનના આશીર્વાદ પ્રાપ્ત કરશે. જેમાં નિરમા પરિવારના ડો. કરસનભાઈ પટેલ, ઝાયડસ પરિવારના પંકજભાઈ રમણભાઈ પટેલ તેમજ રિલાયન્સ ઈન્ડસ્ટ્રીઝના કોર્પોરેટ અફેર્સના સિનિયર વાઇસ પ્રેસિડન્ટ ધનરાજભાઈ નથવાણી વિશેષ હાજરી આપશે. જગગુરુ દિલીપદેવાચાર્યજી મહારાજ દ્વારા તમામ શ્રદ્ધાળુઓને આ મહોત્સવમાં પધારવા ભાવભીનું આમંત્રણ પાઠવવામાં આવ્યું છે. ભગવાનનો રથ શહેરના નિર્ધારિત રૂટ પર પરિક્રમા કરી રાત્રે 8:30 કલાકે નિજ મંદિરે પરત ફરશે. લાખો શ્રદ્ધાળુઓના મહેરામણ વચ્ચે નીકળતી આ રથયાત્રાને લઈને સુરક્ષાનો ચુસ્ત બંદોબસ્ત ગોઠવી દેવામાં આવ્યો છે

Related posts

અનલોક ૦૪ ની ગાઈડલાઈન જાહેર

Ahmedabad Samay

જ્ઞાનવાપી સ્‍થિત વ્‍યાસજીના ભોંયરામાં પૂજાની પરવાનગી પર પ્રતિબંધના મામલામાં મુસ્‍લિમ પક્ષની અરજીને ફગાવી દીધી

Ahmedabad Samay

નવરાત્રી 2026: 11 ઓક્ટોબરથી આદ્યશક્તિની આરાધનાનો પ્રારંભ, માતાજીનું હાથી પર આગમન શુભ સંકેત; જાણો ઘટસ્થાપન મુહૂર્ત અને ગરબા-દાંડિયાની તારીખો

Ahmedabad Samay

કંગના રનૌતે કોંગ્રેસ નેતા સુપ્રિયા શ્રીનેતની વાંધાજનક પોસ્ટ પર આકરી પ્રતિક્રિયા આપી

Ahmedabad Samay

લોક મુખે ચર્ચાતા અમદાવાદના ભૂતિયા સ્થળ

Ahmedabad Samay

લગ્ન કે અંતિમવિધિમાં ખુલ્લી કે બંધ જગ્યામાં 50 થી વધુ લોકો એકઠા નહી થઈ શકે

Ahmedabad Samay

એક ટિપ્પણી મૂકો