ઝોન ૦૭ નો ચાર્જ સંભાળતા જ ચર્ચામાં.
૦૭ પી.આઇ ને દારૂના અડ્ડાઓ નો સફાયો કરવા આદેશ.
ઝોન ૦૭ DCP તરીકે તાજેતરમાં ASPમાંથી SPનું પ્રમોશન મેળવનાર પ્રેમસુખ દેલુને મુકવામાં આવ્યા છે. ઝોન ૦૭માં સેટેલાઈટ, પાલડી, વાસણા, એલિસબ્રિજ, સરખેજ, આંનદનગર, વેજલપુર આ સાત પોલીસ સ્ટેશન આવે છે.
પોલીસ સૂત્રોનાં જણાવ્યાં મુજબ DCP પ્રેમસુખ દેલુએ તેમના હાથનીચે આવેલ તમામ પોલીસ સ્ટેશનના PIઓને બોલાવીને ચેતવણી આપી હતી કે, “દારૂ જુગારની પ્રવૃત્તિમાં કોઈ પણ પોલીસ અધિકારીની સંડોવણી ખુલી તો કડક કાર્યવાહી કરીશ. તેઓએ પોલીસ અધિકારીઓને સ્પષ્ટ સૂચના આપી હતી કે, “આ સાત પોલીસ સ્ટેશનમાં દારૂ, જુગારની ગેરકાયદે પ્રવૃત્તિ સદંતર બંધ રહેવી જોઈએ.” રેડ કરી સપાટો બોલાવીને દારૂ જુગારના અડ્ડા વાળા પર કડક કાર્યવાહી કરવા પણ આદેશ આપવામાં આવ્યા છે.
ઝોન ૦૭ ઓફીસનાં સ્ટાફને પણ સૂચના અપાઈ છે કે, “સ્થાનિક લોકો રજૂઆત કે ફરિયાદ લઈને તેઓને મળવા આવ્યા હોય તો તેવાં લોકોને રોકવા નહીં. આમ, સ્થાનિક લોકો પણ તેમના વિસ્તારમાં ચાલતી ગેરકાયદે પ્રવૃત્તિ અંગે IPS પ્રેમસુખ દેલુને ફરિયાદ કરી શકશે છે.
હવે જોવાનું એ છે કે આવા નિડર અને સ્પોટિવ અધિકારી નો કેટલા પોલીસ સ્ટેશન ના પી.આઇ. ફાયદો ઉપાડી દારૂના અડ્ડાનો સફાયો કરે છે અને પ્રેમસુખ દેલુંને મદદરૂપ બને છે.
