રાજયની ૬ મહાનગર પાલિકા માટે ભાજપની સેન્સ પ્રક્રિયા દરમિયાન કુલ ૭૨૫૭ ઉમેદવારોએ ઉમેદવારી નોંધાવી હોવાની માહિતી મળી રહી છે. જેમાં અમદાવાદ મહાનગર પાલિકામાં ઉમેદવારી માટે સૌથી વધુ ૨૦૩૭ ઉમેદવારોએ ઉમેદવારી નોંધાવી છે. ત્યારબાદ સુરત મહાનગર પાલિકા માટે ૧૯૪૯ ઉમેદવારોએ ઉમેદવારી કરી છે.
રાજકોટ મહાનગર પાલિકા માટે ૬૮૧ ઉમેદવારોએ ઉમેદવારી નોંધાવી છે, તો જામનગર મહાનગર પાલિકા માટે ૫૪૩ ઉમેદવારોએ ઉમેદવારી નોંધાવી છે. વડોદરા મહાનગર પાલિકા માટે ૧૪૫૧ ઉમેદવારોએ ઉમેદવારી અને ભાવનગર મહાનગર પાલિકા માટે કુલ ૫૯૬ ઉમેદવારો એ ઉમેદવારી નોંધાવી.
