બોપલ વિસ્તારમાં આવેલ સ્કાય સિટીમાં આવેલ Arcus સોસાયટીના બંગલા નંબર 98 માં સોમવારે વહેલી સવારે પોણા ત્રણ વાગ્યાની આસપાસ છ લૂંટારુઓ ઘૂસી આવ્યા હતા.અને પરિવારને ધમકાવીને સોનાના દાગીના તેમજ લેપટોપની લૂંટ કરી પલાયન થઈ ગયા છે.
આ લૂંટનો ભોગ બનનાર મનોજ અગ્રવાલ ખાનગી કંપનીમાં સી.એ તરીકે નોકરી કરે છે અને પત્ની હાઉસ વાઇફ છે જેમના બે દિકરા છે. આ ચારે લોકો ઘરે હતાં જો કે લૂંટારાઓ દંપતિ રુમમાં જઇ પહેરેલા દાગીના કાઢી દેવા ધમકી આપી કઢાવી લીધા હતા.
આ સોસાયટીની આસપાસના વિસ્તારમાં ખુલ્લી ખેતર જેવી જગ્યાઓ છે. જ્યાંથી આ લૂંટારુઓ દીવાલ ઉપર રહેલ ફ્રેંસિગ તોડીને સોસાયટી માં પ્રવેશ કર્યો હતો.અને બંગલા નંબર 98 માં ઘુસી પાછળ સાઈડનો એક લોખંડની જાળીનો નકુચો તોડી મકાનમાં પ્રવેશ્યા હતા.
મકાનના બેડરૂમમાં સુઈ રહેલા દંપતી ને જગાડીને જે પણ વસ્તુ ઓ પહેરી હોય એ આપી દેવા માટે કહ્યું હતું.જેથી દંપતી એ ગભરાઈ ને પહેરેલા સોનાના દાગીના અને લેપટોપ લૂંટી જતા રહ્યાં હતાં.
આ અંગે લૂંટારુઓ સીસીટીવીમાં કેદ થઈ જતા પોલીસે ગુનો નોંધી વધુ તપાસ હાથધરી છે.
