મેક્સિકો-અમેરિકાની દીવાલ કુદી જતા ગાંધીનગર જિલ્લાના ૩૨ વર્ષના યુવકનું મોત થયું હોવાનો કિસ્સો પ્રકાશમાં આવ્યો છે. આ વ્યકિતનું મૃત્યુ ત્યારે થયુ જયારે તેઓ તેમની પત્ની અને ત્રણ વર્ષના બાળક સાથે અમેરિકામાં પ્રવેશવાનો પ્રયાસ કરી રહયા હતા. દરમિયાન મેકિસકો-અમેરિકન દિવાલ પરથી પડી જતા શખ્સનું મોત થયુ હતું.
મૃતકની ઓળખ ગાંધીનગર જિલ્લાના કલોલના રહેવાસી બ્રિજકુમાર યાદવ તરીકે થઇ છે. યાદવ કલોલ જીઆઇડીસીમાં નોકરી કરતો હતો. તે તેના પરિવાર સાથે ગેરકાયદેસર રીતે ત્યા પહોંચ્યો હતો. તિજુનાથી મેક્સિકો બોર્ડર ક્રોસ કરીને સાન ડિએગો પહોંચવાનો પ્રયાસ કરી રહયા હતા.
જયારે યાદવે તેના ત્રણ વર્ષના પુત્ર સાથે સરહદ પાર કરવાનો પ્રયાસ કર્યો ત્યારે અકસ્માત થયો અને તે નીચે પટકાયો હતો. હોસ્પીટલ તંત્ર દ્વારા તેને મૃત જાહેર કરવામાં આવ્યો હતો. પુત્ર અને પત્નીને હોસ્પિટલમાં દાખલ કરવામાં આવ્યા છે.
ગુજરાત પોલીસની તપાસમાં જાણવા મળ્યુ છે કે યાદવનો પરિવાર બોરીસણા ગામની ટેલિફોન કોલોનીનો રહેવાસી છે.
