મોરબી : રાજપર રોડ પર રૂમમાં ગુપ્ત ભોયરું બનાવી દારૂ છુપાવ્યો’તો, પોલીસે કીમિયો નિષ્ફળ બનાવ્યો
એલસીબી ટીમે રેડ કરીને ૪.૬૯ લાખનો દારૂનો જથ્થો ઝડપી લીધો
મોરબી નજીક રાજપર રોડ પર નામચીન આરોપીએ રૂમમાં ગુપ્ત ભોયરું બનાવી ઈંગ્લીશ દારૂનો જથ્થો છુપાવી રાખ્યો હોય જ્યાં સ્થળ પર રેડ કરીને એલસીબી ટીમે ઈંગ્લીશ દારૂ અને બીયરનો જથ્થો જપ્ત કરી કુલ ૪.૬૯ લાખનો મુદામાલ ઝડપી લીધો છે અને આરોપીને ઝડપી લેવા તપાસના ચક્રો ગતિમાન કર્યા છે
મોરબી એલસીબી ટીમ પેટ્રોલિંગમાં હોય દરમિયાન મોરબી રાજપર રોડ પર મારૂતિ સુઝુકી વર્કશોપ પાછળ આવેલ ઓમ સાંઈ લાઈટ સામે આરોપી દિગ્વિજયસિંહ જાડેજાના કબ્જા વાળા રૂમમાં ગુપ્ત ભોયરું બનાવી ઈંગ્લીશ દારૂનો જથ્થો છુપાવી રાખી વેચાણ કરતો હોવાની બાતમી મળતા એલસીબી ટીમે રેડ કરી હતી જેમાં રૂમમાં બનાવેલ ગુપ્ત ભોયરામાંથી પોલીસે દારૂ અને બીયરનો મોટો જથ્થો ઝડપી લીધો હતો
જ્યાં સ્થળ પરથી પોલીસે જે એન્ડ બી વ્હીસ્કી બોટલ નંગ ૧૧૮ કીમત રૂ ૨,૩૬,૦૦૦ બેલેનટાઈન સ્કોચ-વ્હીસ્કી બોટલ નંગ ૪૮ કીમત રૂ ૯૬,૦૦૦ જોનીવોકર બ્લેક લેબલ સ્કોચ-વ્હીસ્કી બોટલ નંગ ૪૮ કીમત રૂ ૯૬,૦૦૦ જેમ્સન આઈરીસ વ્હીસ્કી બોટલ નંગ ૧૨ કીમત રૂ ૨૪,૦૦૦ અને બ્લેન્ડર્સ પ્રાઈડ વ્હીસ્કી બોટલ નંગ ૧૮ કીમત રૂ ૧૫,૩૦૦ તેમજ બીયર નંગ ૨૪ કીમત રૂ ૨૪૦૦ મળીને કુલ રૂ ૪,૬૯,૭૦૦ નો મુદામાલ જપ્ત કર્યો છે અને આરોપી દિગ્વિજયસિંહ ઉર્ફે દિગુભા છત્રસિંહ જાડેજા રહે શકત શનાળા નીતિનનગર સોસાયટી મોરબી વાળા વિરુદ્ધ એ ડીવીઝન પોલીસ મથકમાં ગુનો નોંધી વધુ તપાસ ચલાવી છે
જે કામગીરીમાં એલસીબી પીઆઈ ડી એમ ઢોલ, પીએસઆઈ કે જે ચૌહાણ, એન એચ ચુડાસમા, એ ડી જાડેજા, એલસીબી ટીમના નીરવભાઈ મકવાણા, ભગીરથસિંહ ઝાલા, ભરતસિંહ ડાભી, રામભાઈ મંઢ તેમજ પેરોલ ફર્લો સ્કવોડ અને ટેકનીકલ ટીમનો સ્ટાફ જોડાયેલ હતો
