November 22, 2026
ગુજરાત

૮ જુલાઈના રોજ એક નવી વરસાદી સિસ્ટમ સક્રિય થવાની સંભાવના,મેઘરાજા મન મૂકીને વરસશે.

રાજ્યમાં છેલ્લા ચાર દિવસથી શરૂ થયેલા વરસાદી માહોલ વચ્ચે જાણીતા હવામાન નિષ્ણાંત અંબાલાલ પટેલે આગામી દિવસોમાં ગુજરાતમાં અતિભારે વરસાદની આગાહી કરી છે. ૮ જુલાઈના રોજ એક નવી વરસાદી સિસ્ટમ સક્રિય થવાની સંભાવના છે, જે ૧૨ જુલાઈ સુધીમાં સમગ્ર ગુજરાતને આવરી લેશે, જેના પરિણામે રાજ્યના વિવિધ વિસ્તારોમાં મેઘરાજા મન મૂકીને વરસશે.

હવામાન નિષ્ણાંતના મતે, આગામી ૪૮ કલાક વડોદરા, પંચમહાલ, દાહોદ અને મહીસાગર માટે અતિ મહત્ત્વના રહેશે, જ્યાં ભારે પવન અને વીજળીના કડાકા સાથે ૪ થી ૫ ઈંચ જેટલો વરસાદ પડી શકે છે. આ ઉપરાંત અમદાવાદ અને ગાંધીનગરમાં પણ ૬ જુલાઈ સુધી ભારે ઝાપટાની શક્યતા છે, જ્યારે ઉત્તર ગુજરાતના પાટણ, બનાસકાંઠા અને સાબરકાંઠા જેવા વિસ્તારોમાં પણ મેઘમહેર યથાવત રહેશે.

અંબાલાલ પટેલે લોકવાયકાને ટાંકતા જણાવ્યું હતું કે, ઈશાન ખૂણામાં થતી સફેદ સર્પઆકારની વીજળી વરસાદ માટે શુભ સંકેત છે. મધ્ય પ્રદેશમાં થનારા ભારે વરસાદના કારણે નર્મદા નદીના જળસ્તરમાં પણ વધારો થવાની સંભાવના છે. દક્ષિણ ગુજરાત અને સૌરાષ્ટ્રના કેટલાક ભાગોમાં વરસાદી માહોલ યથાવત રહેશે, જોકે પશ્ચિમ સૌરાષ્ટ્રના પોરબંદર, જામનગર અને દ્વારકા જેવા વિસ્તારોમાં હાલ હળવા વરસાદની શક્યતા છે.

અલ-નીનોની આશંકાઓ છતાં ગુજરાતમાં વરસાદી સિસ્ટમ લાંબા સમય સુધી સક્રિય રહેવાની ધારણા છે. ખેડૂતો અને વહીવટી તંત્ર માટે આ વરસાદી દોર આગામી દિવસોમાં ખૂબ મહત્વનો સાબિત થશે. હવે ૮ જુલાઈથી આવનારી નવી સિસ્ટમ કેટલી અસરકારક રહે છે અને જળાશયોમાં કેટલા નવા નીર આવે છે, તે જોવું રસપ્રદ રહેશે.

Related posts

“મહારાજા ફિલ્મ ફેસ્ટિવલ & એવોર્ડ્સ”નું આયોજન કરાયું, ગુજરાત ખાતેનો સૌ પ્રથમ ઇન્ટરનેશનલ ફિલ્મ ફેસ્ટિવલ & એવોર્ડ્સ

Ahmedabad Samay

૧૧૬ જેટલા ASI ને PSI તરીકે આપ્યું પ્રમોશન

Ahmedabad Samay

મેઘાણીનગરમાં આવેલ ભગવતી સ્કૂલમાં થઇ જરૂરી દસ્તાવેજની ચોરી

Ahmedabad Samay

રાજ્યમાં દારૂ પીવામાં છૂટછાટ આપવામાં આવી છે. ચાલો જાણીએ કે, આ છૂટ કોને અને કેવી રીતે મળે છે.

Ahmedabad Samay

કોર કમિટીની બેઠક બાદ રાજય સરકાર આજે નવી કડકમાં કડક ગાઈડલાઈન્સ જાહેર કરી શકે

Ahmedabad Samay

કોંગ્રેસના ગેનીબેને ગુજરાતમાં પાડ્યું ગાબડું,ભાજપના રેખા ચૌધરીને માત આપી

Ahmedabad Samay

એક ટિપ્પણી મૂકો