મણિનગરના ગોપાલ ટાવરની પાછળના લક્ષ્મીભવન બંગલોમાં જુગાર રમતી 8 મહિલાના વિરુદ્ધ જુગારધારા હેઠળ કડક કાર્યવાહી કરી હતી. મણિનગર પોલીસે તમામ મહિલાઓ વિરૂધ્ધ ગુનો નોંધી રોકડ અને 6 મોબાઈલ ફોન મળી રૂ.72300નો મુદ્દામાલ કબ્જે લીધો હતો.
ગણેશ ગલી ગોપાલ ટાવરની પાછળ આવેલા લક્ષ્મીભવન બંગલોમાં કેટલીક મહિલા જુગાર રમી રહી છે. બાતમી મળતા પોલીસે સ્થળ પર જઈ તપાસ કરતા બંગલોના પહેલા માળે જુગાર ચાલતો હોવાની માહિતી મળી હતી. પોલીસ પહેલા માળે પહોંચી તો દરવાજો બંધ હતો. દરવાજો ખખડાવતા એક મહિલાએ ખોલ્યો હતો. પોલીસે ઓળખ આપી રેડ કરતા બેડરૂમમાં 50 થી 70 વર્ષની મહિલાઓ પૈસાથી જુગાર રમતી હતી જોવા મળી.
પોલીસે સ્થળ પર રેડ કરી રૂ. 25000 હજારની રોકડ અને રૂ.47,300ના છ મોબાઈલ ફોન મળી કુલ રૂ.72,300નો મુદાદામાલ જપ્ત કર્યો હતો. પોલીસે જુગાર રમતી તમામ મહિલાઓ વિરૂધ્ધ ગુનો નોંધી વધુ તપાસ હાથ ધરી છે.
