રીલીફ રોડ ખાતે આજે સાંજના સમયે એક એસીના ગોડાઉનમાં એકાએક આગ ફાટી નિકળી હતી. આ આગ વિકરાળ થતા આસપાસની દુકાનોના માલિકોમાં ભયનો માહોલ જોવા મળી રહ્યો હતો. જો કે, આગના બનાવની જાણ થતાં ફાયર બ્રિગેડની 15 ગાડીઓ ઘટનાસ્થળે પહોંચીને આગને કાબુમાં લેવાના પ્રયત્નો કરી રહી છે.આગને પગલે દૂરદૂર સુધી ધૂમાડાના ગોટેગોટા દેખાઈ રહ્યા છે. જ્યારે આગને પગલે લોકોના ટોળેટોળા ઉમટી પડ્યા છે. જ્યારે વીજળી ઘરથી રિલીફ રોડ બંધ કરી દેવાયો છે.
આગ ગેસનો બાટલો ફાટયો હોવાના કારણે લાગી હોવાનું જાણવા મળી રહ્યું છે. ગેસના બાટલામાં ગેસ ભરતી વેળા આગ લાગી હતી જેના કારણે 25 બાટલા ફાટ્યા છે. આ બનાવમાં એક વ્યકિતને ગંભીર ઈજાઓ થતા તેને તાત્કાલિક સારવાર માટે હોસ્પિટલ ખસેડવામાં આવ્યો છે
