ચૂંટણી આવે એટલે જેમ નેતાઓ અને સભાઓનો જાણે પર્વ આવ્યો હોય તેમ વિવિધ સર્વે અને પોલ પણ વધી ગયા છે, પહેલા ઓપીનિયન પોલ આવે અને મતદાન બાદ એકઝીટ પોલ. સર્વેના કારણે રાજકારણ પણ ગરમાતુ હોય છે અને જે તે પાર્ટીઓ સ્ટ્રેટેજી પણ એ પ્રમાણે નક્કી કરે છે.
ગુજરાતની ચૂંટણીને લઈને વધુ એક સર્વે સામે આવી રહ્યો છે જેમાં વારંવાર સત્તા પરિવર્તનનો ગુજરાતનો ક્રમ જળવાઈ રહેશે તેવો દાવો કરવામાં આવી રહ્યો છે. ટાઈમ્સ નાઉ નવભારતના ઓપિનિયન પોલ અનુસાર ભાજપને ફરીથી પૂર્ણ બહુમત ગુજરાતમાં મળશે અને હિમાચલ પ્રદેશમાં પણ કમળ જ ખિલશે. નોંધનીય છે કે ગુજરાતમાં વર્ષોથી ભાજપની જ સરકાર રિપીટ થઈ રહી છે ત્યારે હિમાચલ પ્રદેશમાં ઊંધો ટ્રેન્ડ અત્યાર સુધી રહ્યો છે, અહીં દર પાંચ વર્ષે સરકાર બદલાઈ જાય છે. જોકે આ વખતે સરકાર રિપીટ થશે અને ટેન્ડ તૂટશે તેવો દાવો સર્વેમાં કરવામાં આવી રહ્યો છે.
ગુજરાતનાં ઓપિનિયન પોલ પ્રમાણે કોને કેટલી સીટો મળવાનો દાવો :
ભાજપઃ ૧૨૫ થી ૧૩૧ બેઠક,
કોંગ્રેસઃ ૨૯ થી ૩૩ બેઠક,
AAP: ૧૮ થી ૨૨ બેઠક
હિમાચલ પ્રદેશના ઓપિનિયન પોલ.
ભાજપઃ ૩૮ થી ૪૨ બેઠક
કોંગ્રેસઃ ૨૫ થી ૨૯ બેઠક,
AAP: ૦ થી ૧ બેઠક”
