મોરબીમાં જૂની અદાવતમાં મહિલાએ એડવોકેટ સાથે જાહેરમાં ઝપાઝપી કરી
એડવોકેટને પીઠમાં પંજો મારી નખ વડે ઈજા કરી
મોરબી શહેરના મંગલ ભુવન ચોક પાસે એક મહિલાએ જૂની અદાવતનો ખાર રાખી એડવોકેટ સાથે જાહેરમાં ઝપાઝપી કરીને ગામમાં ખોટી વાતો કરે છે કહીને ગાળો આપી પીઠમાં નખ વડે ઈજા કરી જાપટો મારી જાનથી મારી નાખવાની ધમકી આપ્યાની પોલીસ ફરિયાદ નોંધાઈ છે
મોરબીના શનાળા રોડ પર અંજની એપાર્ટમેન્ટમાં રહેતા રજાકમિયા અબ્બાસમિયા બુખારીએ પોલીસ ફરિયાદ નોંધાવી છે કે ગત તા. ૨૬ ના રોજ સાંજના સુમારે તે મંગલભુવન ચોકમાં આવેલ બોમ્બે મોબાઈલ દુકાન પાસે કામથી ગયા હોય ત્યારે આરોપી રેશ્માબેન ગીરીશભાઈ વિડજા તેના પાડોશમાં રહેતા કાનાભાઈની રીક્ષામાં બેસીને આવ્યા હતા અને રેશ્માબેન આવીને તું મારી ગામમાં શું ખોટી વાતો કરે છે કહીને ભૂંડી ગાળો આપવા લાગ્યા હતા જેથી ગાળો આપવાની ના કહેતા રેશ્માબેન ઉશ્કેરાઈ જઈને ઝપાઝપી કરવા લાગ્યા હતા અને પીઠમાં હાથથી પંજો મારી નખ વડે ઈજા કરી હતી અને જાપટો મારવા લાગ્યા હતા ત્યારે ત્યાં હાજર રફીકભાઈ અજમેરી અને મેહબૂબ સુમરા બંને આવી જતા વચ્ચે પડી છોડાવ્યા હતા
અને રેશ્માબેને કહ્યું હતું કે આજે તો તું બચી ગયો છો ફરી વાર મળીશ તો તને જાનથી મારી નાખીશ કહેવા લાગી હતી અને બાદમાં લોકો ભેગા થઇ જતા રીક્ષામાં બેસી જતી રહી હતી આમ આરોપી રેશ્માબેન ગીરીશભાઈ વિડજા રહે ઉમા વિલેજ સોસાયટી મહેન્દ્રનગર વાળીએ અગાઉ ફરિયાદી એડવોકેટ વિરુદ્ધ ફરિયાદ કરેલ હોય જેમાં તેઓ જામીન પર છૂટી જતા રેશ્માબેનને સારું નહિ લાગતા બોલાચાલી કરી ગાળો આપી ઝપાઝપી કરી પીઠમાં નખ વડે ઈજા કરી જાનથી મારી નાખવાની ધમકી આપ્યાની પોલીસ ફરિયાદ નોંધાવી છે મોરબી સીટી એ ડીવીઝન પોલીસે આરોપી મહિલા વિરુદ્ધ ફરિયાદ નોંધી વધુ તપાસ ચલાવી છે
