BRST કોરિડોરમાં વાહનો ચલાવતા રોકવાના ડ્રાઇવ દરમિયાન કુલ 53 વાહનોને રોકવામાં આવ્યા હતા. આ 53 વાહનચાલકો પાસેથી સ્થળ પર જ કુલ રૂ.85,000નો દંડ વસૂલવામાં આવ્યો હતો. BRTS કોરિડોર માત્ર બસો માટે આરક્ષિત છે અને તેમાં અન્ય વાહનોનો પ્રવેશ કાયદેસર રીતે પ્રતિબંધિત છે.
ખાનગી વાહનો દ્વારા આ કોરિડોરનો ઉપયોગ કરવાથી માત્ર ટ્રાફિકના નિયમોનું ઉલ્લંઘન થતું નથી પરંતુ તે BRTS બસોની ગતિ અને સમયપાલનને પણ અસર કરે છે. AMC અને પોલીસે સ્પષ્ટ કર્યું છે કે ભવિષ્યમાં પણ જાહેર સુરક્ષા અને ટ્રાફિક વ્યવસ્થા જાળવવા માટે આ પ્રકારની ડ્રાઇવ્સ ચાલુ રહેશે. જેથી નિયમોનું ઉલ્લંઘન કરનારા વાહનચાલકો સામે કડક પગલાં લઈ શકાય.
પરંતુ વાહન ચાલકોને BRTS ને લઇ ફરિયાદ પણ છે કે BRTS કોરિડોર ને કારણે પિક અવર્સમાં જાહેર માર્ગમાં ખૂબ ટ્રાફિક હોય છે અને BRTS કોરિડોર આખો ખાલી હોય છે, ટ્રાફિક પોલીસ દ્વારા BRTS રૂટ માં ધ્યાન આપ્યા કરતા જાહેર માર્ગમાં ટ્રાફિકની સમસ્યા દૂર કરવા પર વધુ ધ્યાન આપે તો લોકોને BRTS કોરિડોરમાં જવુંજ ન પડે અને ટ્રાફિક નિયમોનું ભંગ પણ ન થાય,
