અમદાવાદ: અસારવા મતવિસ્તારમાં સમાવિષ્ટ હરિપુરા વાલ્મિકી વાસ, ઠાકોરવાસ અને કાશી પારેખની ચાલી વિસ્તારમાં સ્થાનિક સુવિધાઓને વધુ સુદૃઢ બનાવવા માટે નવી ડ્રેનેજ લાઈન અને મેનહોલની કામગીરી હાથ ધરવામાં આવી રહી છે.
આ કામગીરી દરમિયાન અસારવા વોર્ડના કાઉન્સિલર અને સ્ટેન્ડિંગ કમિટી સભ્ય સુમન રાજપૂત દ્વારા સ્થળ પર પહોંચી કામગીરીનું નિરીક્ષણ કરવામાં આવ્યું હતું. તેમની સાથે સાથી કાઉન્સિલર દશરથભાઈ પટણી, ઉપપ્રમુખ રવિન્દ્રભાઈ પારેખ તેમજ સ્થાનિક સિનિયર કાર્યકર્તા ભાવનાબેન સોલંકી ઉપસ્થિત રહ્યા હતા.
સ્થળ મુલાકાત દરમિયાન નવી ડ્રેનેજ લાઈન તેમજ મેનહોલની કામગીરીની પ્રગતિ અંગે સ્થળ પર જરૂરી માહિતી મેળવવામાં આવી હતી. સ્થાનિક વિસ્તારમાં ડ્રેનેજ વ્યવસ્થા વધુ સારી બનવાથી રહેવાસીઓને પાણીના નિકાલ સહિતની સમસ્યાઓમાં રાહત મળવાની આશા વ્યક્ત કરવામાં આવી રહી છે.
સ્થાનિક આગેવાનો અને કાર્યકર્તાઓ દ્વારા પણ કામગીરીની ગુણવત્તા અને સમયસર પૂર્ણતા અંગે ધ્યાન આપવામાં આવી રહ્યું છે. વિસ્તારમાં મૂળભૂત સુવિધાઓ વધુ સુદૃઢ બને તે માટે જરૂરી કામગીરી પર સતત દેખરેખ રાખવામાં આવી રહી છે.
સુમન રાજપૂત દ્વારા વિસ્તારના વિકાસકામોનું સ્થળ પર નિરીક્ષણ કરવામાં આવતાં સ્થાનિક રહેવાસીઓમાં પણ કામગીરીને લઈને આશા જોવા મળી રહી છે.
