કૃષ્ણનગર વિસ્તારમાં ઉત્તરાયણના દિવસે સાંજે ખુશીના ઉન્માદમાં તાનમાં આવેલા યુવકે ધાબા પર ફાયરિંગ કરી પિસ્ટોલ સાથેનો વીડિયો ફેસબુકના સ્ટોરી સ્ટેટસ પર મુક્યો હતો.કૃષ્ણનગર પોલીસ પાસે વીડિયોની વિગતો પહોંચતા
પોલીસે સ્થળ પર પહોંચી ધવલ પટેલને પોલીસ સ્ટેશન લાવી પૂછપરછ કરી હતી. પોલીસ તપાસમાં આરોપીએ ઉત્તરાયણમાં ખુશીના ઉન્માદમાં પિસ્ટલમાં છરા ભરાવી હવામાં ફાયરિંગ કરી વીડિયો બનાવ્યો હતો. પોલીસે આરોપી પાસેથી પિસ્ટલ અને 100 જેટલા છરા કબ્જે લઈ તેની વિરૂધ્ધ ગુનો નોંધી કાર્યવાહી કરી હતી.
પોલીસે આરોપી ધવલ પટેલ પિસ્ટલ અને છરા કોની પાસેથી અને ક્યાં હેતુસર લાવ્યો તે મામલે પૂછપરછ હાથ ધરી છે. આરોપીએ આ હથિયારથી અન્ય કોઈ ગુના આચર્યા છે કે નહીં તે મામલે આરોપી વિરૂધ્ધ ગુનો નોંધી વધુ તપાસ હાથ ધરી છે
