ગયા વર્ષે ડિજીટલ પ્લેટફોર્મ સોની લિવ પર ‘યોર ઓનર’ નામની સિરીઝ આવી હતી. આ સિરીઝ ઇઝરાયલની કવોડો નામની થ્રિલર સિરીઝની ઓફિશિયલ રિમેક હતી. જેનું નિર્દેશન મનોજ બાજપાઇને લઇને શૂલ ફિલ્મ બનાવનારા ઇ. નિવાસે કર્યુ હતું.
યોર ઓનરની કહાની બિશન ખોસલા નામના જજની આસપાસ છે. તેનો પુત્ર હિટ એન્ડ રનના કેસમાં ફસાય છે.જજ સંબંધને વધુ મહત્વ આપે છે કે પછી પુત્રને બચાવે છે એ મુખ્ય મુદ્દો હતો. નામાંકિત વ્યકિતઓ પોતાના પરિવારના કોઇ ફસાયા હોય તો તેમને બચાવવા કઇ કઇ રીતે કાયદા તોડી શકે છે તે પણ પહેલા ભાગમાં બતાવાયું હતું.
જીમ્મી શેરગીલે જજ બિશન ખોસલાનો રોલ ખુબ સારી રીતે નિભાવ્યો હતો. મિતા વશિષ્ઠ, કિરણ શેખોન, વરૂણ બડોલા, કાશી સમથાર અને યશપાલ શર્મા મુખ્ય ભુમિકામાં છે. બીજી સિરીઝ હવે ટૂંકા સમયમાં જોવા મળી શકે તેમ છે.
