અમદાવાદના ઓઢવમાં ઘરઘાટી તરીકે રહીને દારૂની હેરાફેરી કરતી 17 વર્ષની સગીરાને પોલીસે ઝડપી
આદિનાથ નગર મુનિસર્વત સોસાયટી પાસે અલ્ટો કારમાં પોલીસે ચેકિંગ કરતાં 32 બોટલ દારૂ મળી આવ્યો
દારૂબંધી હોવા છતાં ગુજરાતમાંથી રોજ દારૂ ઝડપાય જ છે ત્યારે હવે 17 વર્ષની સગીરા પણ દારૂની બોટલ સાથે ઝડપાઇ છે . સગીરા ઘરઘાટી તરીકે રહીને 3 લોકો સાથે મળીને દારૂની હેરાફેરી કરતી હતી . ઓઢવ પોલીસે ગુનો નોંધીને સગીરાની અટકાયત કરી હતી જ્યારે અન્ય 3 આરોપી ફરાર છે . ઓઢવ પોલીસે બાતમીના આધારે આદિનાથ નગર માં મુનિસર્વત સોસાયટી પાસે અલ્ટો કાર અને સગીરાની તપાસ કરી હતી . ત્યારે અલ્ટો ગાડીમાંથી 32 દારૂની બોટલ મળી આવી હતી . પોલીસે આ મામલે ત્યાં ઉભેલીની સગીરાની પૂછપરછ કરી ત્યારે જાણવા મળ્યું હતું કે તે ઘરઘાટી તરીકે રહે છે .
સગીરા જેના ઘરમાં ઘરઘાટી તરીકે રહે છે તે મહિલા ગીતાબા સોલંકી અને તેમની દીકરી જીલ સોલંકીએ તેને દારૂ છૂટક વેચાણ માટે આપીને તેનું ધ્યાન રાખવા કહ્યું હતું .અને સાથે તેનો ભાઈ નિસર્ગ પણ આ ધંધામાં જોડાયેલો હોવાનું જણાવ્યું હતું.ઓઢવ પોલીસે સમગ્ર મામલે ગુનો નોંધીને સગીરાની અટકાયત કરી છે જ્યારે બાકીના 3 આરોપી ફરાર થઈ ગયા છે તેમની શોધખોળ ઓઢવ પોલીસ એ હાથ ધરી છે .
