ભારત અને ઑસ્ટ્રેલિયાની ટીમો આજે ,19 માર્ચ વિશાખાપટ્ટનમના ડૉ. YS રાજશેખર રેડ્ડી ACA-VDCA ક્રિકેટ સ્ટેડિયમમાં સામ-સામે આવશે. બંને ટીમો વચ્ચે રમાઈ રહેલી ત્રણ મેચની વન-ડે શ્રેણીની આ બીજી મેચ હશે. ભારત આ શ્રેણીમાં 1-0થી આગળ છે, તેથી ઓસ્ટ્રેલિયા માટે ‘કરો યા મરો’ મેચ હશે. કાંગારુ ટીમ કોઈપણ સંજોગોમાં આ મેચ જીતવાનો પ્રયાસ કરશે. બીજી તરફ ટીમ ઈન્ડિયા લાંબા સમયથી ઘરઆંગણે વનડે સીરીઝ હારી નથી. આવી સ્થિતિમાં આ મેચ ખૂબ જ રસપ્રદ રહેવાની આશા છે. જો કે આ મેચના રોમાંચમાં વરસાદ અવરોધ બની શકે છે.
વાસ્તવમાં દેશના કેટલાક ભાગોમાં છેલ્લા બે દિવસથી હવામાન ખરાબ છે અને વરસાદ પડી રહ્યો છે. વિશાખાપટ્ટનમમાં પણ આવું જ છે. આજે અહીં ગાજવીજ સાથે વરસાદની સંભાવના છે. કેટલાક હવામાનશાસ્ત્રીઓ મેચ પહેલા વરસાદની આગાહી કરી રહ્યા છે જ્યારે કેટલાક વૈજ્ઞાનિકો પ્રથમ દાવ દરમિયાન વરસાદની આગાહી કરી રહ્યા છે. બીજી ઇનિંગમાં પણ વરસાદ પડી શકે છે.
વરસાદ મેચની મજા બગાડશે
વિશાખાપટ્ટનમ સહિત આંધ્રપ્રદેશના ઘણા ભાગોમાં વાદળછાયું વાતાવરણ છે અને વરસાદ પડી રહ્યો છે. આજે દિવસભર વાદળછાયું વાતાવરણ રહેવાની સંભાવના છે. વિશાખાપટ્ટનમમાં મેચ દરમિયાન તાપમાન 26 થી 23 ડિગ્રી સેલ્સિયસ રહેવાની સંભાવના છે. બપોર પછી અહીં વરસાદની 80% શક્યતા છે. ત્યાં, રાત્રે પણ વરસાદની 50% સંભાવના છે. આવી સ્થિતિમાં, મેચ વચ્ચે-વચ્ચે આગળ વધી શકે છે. શક્ય છે કે વરસાદને કારણે મેચ રદ્દ કરવી પડે.
બંને ટીમોની પ્લેઈંગ-11 :
ભારતીય ટીમઃ રોહિત શર્મા (કેપ્ટન), શુભમન ગિલ, વિરાટ કોહલી, સૂર્યકુમાર યાદવ, કેએલ રાહુલ, હાર્દિક પંડ્યા, રવિન્દ્ર જાડેજા, મોહમ્મદ સિરાજ, કુલદીપ યાદવ, વોશિંગ્ટન સુંદર, મોહમ્મદ શમી.
ઓસ્ટ્રેલિયન ટીમઃ ડેવિડ વોર્નર, મિશેલ માર્શ, સ્ટીવ સ્મિથ (સી), કેમેરોન ગ્રીન, ટ્રેવિસ હેડ, ગ્લેન મેક્સવેલ, માર્કસ સ્ટોઈનીસ, એલેક્સ કેરી, એડમ ઝમ્પા, સીન એબોટ, મિશેલ સ્ટાર્ક.
