April 25, 2024
અપરાધ

અમદાવાદ: ઝઘડો થતા બીજા રૂમમાં સૂઈ રહેલા એન્જિનિયર પતિના ગાલ પર પત્નીએ ચપ્પુ માર્યુ, 24 ટાંકા આવ્યાં

ઓઢવમાંથી એક ચોંકાવનારી ઘટના સામે આવી છે. ઓઢવમાં એન્જિનિયર પતિએ તેની પત્ની વિરુદ્ધ ખોટા કેસમાં ફસાવવાની અને ગાલ પર ચપ્પુ મારી જાનથી મારી નાખવાની ધમકી આપી હોવાની ફરિયાદ કરતા પોલીસે પત્ની વિરુદ્ધ ગુનો નોંધી આગળની તપાસ હાથ ધરી છે.

મળતી માહિતી મુજબ, એન્જિનિયર તરીકે કામ કરતાં એક શખ્સે ઓઢવ પોલીસ સ્ટેશનમાં ફરિયાદ નોંધાવી છે કે, લગ્નના બે-ત્રણ વર્ષ સુધી તેની પત્ની સારી રીતે રહી હતી. પરંતુ, બાદમાં તે ખૂબ જ ગુસ્સો કરતી હતી અને નાની-અમથી વાતમાં પતિ અને તેના પરિવાર સાથે બોલાચાલી કરીને ઝઘડા કરતી હતી. ફરિયાદમાં જણાવાયું કે, પત્નીના પિતાએ પણ કહ્યું હતું કે, તારે સાસરીમાં કોઇથી ડરવાનું નહીં અને કોઇ કંઇ કહે તો તારે તેની સામે પડીને જે કરવું હોય તેમ કરવાનું. આથી પત્ની સાસરીમાં પતિ અને તેના સાસરિયાં સાથે સરખી રીતે બોલતી ન હતી.

ઝઘડો કરી પતિને બીજા રૂમમાં સૂવડાવ્યો, સવારે ગાલ પર ચપ્પુ માર્યું

દરમિયાન કોઈ બાબતે ઝઘડો થતા પતિને રૂમમાંથી બહાર કાઢી અન્ય રૂમમાં સૂવાનું કહ્યું હતું. આથી પતિ અન્ય રૂમમાં સૂવા ગયો હતો. સવારે લગભગ 6 વાગ્યાની આસપાસ પત્ની પતિ પાસે આવી હતી અને પતિના ડાબા ગાલ પર ચપ્પુ મારી દીધું હતું. આ સાથે ધમકી પણ આપી હતી કે, આજે ગાલ પર માર્યું છે હવે જો મને કંઇ કહેશો તો ગળા પર મારી જાનથી મારી નાંખીશ. ઇજાગ્રસ્ત પતિને સારવાર અર્થે હોસ્પિટલ લઈ જવાયો હતો. તેના ગાલ પર આશરે ચોવીસ ટાંકા આવ્યા હતાં. જો કે, ત્યાર બાદ પણ પત્ની પતિને ખોટા કેસમાં ફસાવવાની ધમકી આપતા આખરે કંટાળીને પતિએ પત્ની વિરુદ્ધ ઓઢવ પોલીસ સ્ટેશનમાં ફરિયાદ કરતા પોલીસે ગુનો નોંધી વધુ તપાસ હાથ ધરી છે.

Related posts

બાળ રિમાન્ડ ગૃહમાંથી છૂટયા બાદ કિશોરી પર દુષકર્મ ગુજાર્યું

Ahmedabad Samay

ભાગેડુ મેહુલ ચોકસીની ડોમિનિકાથી ધરપકડ કરાઇ

Ahmedabad Samay

વડોદરાના બહુચર્ચિત સામુહિક દુષ્કર્મ અને આપઘાતના મામલા માટે SIT ની રચના કરાઇ

Ahmedabad Samay

સાબરમતીમાં બુટલેગરો મસ્ત અને આમ જનતા ત્રસ્ત, વર્ષ વિતિગ્યું, આત્મહત્યા પણ કરી છતાં ન્યાયન મળ્યું

Ahmedabad Samay

આંધ્રપ્રદેશ: તીગલમિટ્ટા જંગલ વિસ્તારમાં માઓવાદી અને  ગ્રેહાઉડ્સ દળ વચ્ચે અથડામણ : ૬ ઠાર મરાયા

Ahmedabad Samay

વી.એચ.પ પ્રાંતના સંગઠન પ્રધાન શ્રી ખગેન્દ્ર ભાર્ગવની કાર પર ફાયરિંગ

Ahmedabad Samay

એક ટિપ્પણી મૂકો