February 9, 2025
ગુજરાત

રાજકોટમાં ઇન્ટેક સંસ્થા દ્વારા ઇન્ટર-સ્કુલ હેરિટેજ ક્વિઝ: ૩૦૦થી વધુ વિદ્યાર્થીઓ લેશે ભાગ

રાજકોટમાં ઇન્ટેક સંસ્થા દ્વારા ઇન્ટર-સ્કુલ હેરિટેજ ક્વિઝ: ૩૦૦થી વધુ વિદ્યાર્થીઓ લેશે ભાગ ભારતના વારસાના જતન અને સંરક્ષણના હેતુસર કાર્યરત ઈન્ડિયન નેશનલ ટ્રસ્ટ ફોર આર્ટ એન્ડ કલ્ચરલ હેરિટેજ (INTACH) રાષ્ટ્રીય સંસ્થા છે. ઇન્ટેકના રાજકોટ ચેપ્ટર દ્વારા રાજકોટના ભવ્ય ભૂતકાળને ઉજાગર કરવા અને તેની ભવ્યતાને સામાન્ય લોકો સુધી પહોંચાડવાના ઉદ્દેશ્ય સાથે હેરિટેજ ક્વિઝનું તા. ૦૫ ઓગસ્ટના રોજ જિનીયસ CBSE સ્કુલ ખાતે આયોજન કરવામાં આવ્યું છે. ઇન્ટેક રાજકોટ ચેપ્ટરના કન્વીનર આર્કિટેક્ટ રિદ્ધિબેન શાહના જણાવ્યા મુજબ ભારતીય નાગરિક તરીકે દેશના સમૃદ્ધ અને વૈવિધ્યસભર વારસાને જાણવા અને સાચવવાની જવાબદારી આપણી છે. આ ક્વિઝ દ્વારા શાળાના બાળકોમાં વારસા વિશે જ્ઞાન કેળવવાનો પ્રયાસ છે. આ આંતરશાળા હેરિટેજ ક્વિઝ લેખિત અને મૌખિક એમ બે રાઉન્ડમાં રમાશે તેમજ ક્વિઝ ગુજરાતી તથા અંગ્રેજી ભાષામાં યોજાશે. આ સ્પર્ધામાં જિલ્લાની ૧૫થી વધુ શાળાઓમાંથી ૩૦૦થી વધુ વિદ્યાર્થીઓ ભાગ લેવાના છે. જીનિયસ ગ્રુપ ઓફ એડયુકેશનના ડિરેક્ટરશ્રી ડી.વી. મહેતા, ઈન્ટેક રાજકોટ ચેપ્ટરના સભ્યો અને શૈક્ષણિક તજજ્ઞશ્રીઓ રિચાબેન ભગદેવ અને મુનાવરભાઈ જસદણવાલા તેમની ટીમ સાથે આ ક્વિઝનું સફળતાપૂર્વક સંચાલન કરવા માટે જહેમત ઉઠાવી રહયા છે.

Related posts

અમદાવાદ – રથયાત્રાની પુરજોશમાં તૈયારીઓ, દરરોજ બને છે ભગવાનનો પ્રસાદ

Ahmedabad Samay

મહારાષ્ટ્રના ઔરંગાબાદમાં ટ્રેન ના પાટા પર સુતા ૧૫ મજુરો આવ્યા ટ્રેનની અડફેટે.

Ahmedabad Samay

ક્રિકેટર રવિન્દ્ર જાડેજાના પત્ની રિવાબા જાડેજાના નિવેદન થી કરણી સેના થઇ નારાજ

Ahmedabad Samay

હાયરે મોંઘવારી,ગરમીમાં શાકભાજીના ભાવો વધતા લોકોને પેટ ભરવા કઠોળ ખાવા પડશે

Ahmedabad Samay

CMના હસ્તે 8.88 કરોડના ખર્ચે તૈયાર થયેલા લાલા દરવાજાના નવા એએમટીએસ બસ સ્ટેન્ડનું આજે થશે ઉદઘાટન

Ahmedabad Samay

અમદાવાદ ચાણક્યપુરી વિસ્તારમાં બાબા બાગેશ્વરના દરબારની તૈયારીઓ તેજ, જર્મન ટેકનલોજીનો મંડપ લગાવાશે

admin

એક ટિપ્પણી મૂકો