કેન્દ્રીય ગૃહમંત્રી અમિતભાઈ શાહે ગુરુવારે બિહારમાં ચૂંટણી રેલીઓ સંબોધી હતી, જ્યાં તેમણે કોંગ્રેસ નેતા રાહુલ ગાંધી પર જોરદાર શાબ્દિક પ્રહાર કર્યા હતા. શાહે રાહુલ ગાંધીના સેનાના જવાનોની જાતિ અને ધર્મ જાણવાના નિવેદન પર આક્રોશ વ્યક્ત કર્યો અને કહ્યું કે તેમને આ વાત કહેતા શરમ આવવી જોઈએ.
અમિતભાઈ શાહે મધુબની, પશ્ચિમ ચંપારણ અને મોતિહારીમાં રૅલીઓને સંબોધિત કરી. આ દરમિયાન તેમણે બિહારની ચૂંટણીને ‘ઘૂસણખોરોથી મુક્તિનું અભિયાન’ ગણાવ્યું. શાહે કહ્યું કે અવૈધ બાંગ્લાદેશી ઘૂસણખોરો દેશ માટે સુરક્ષાનો ખતરો છે અને તેઓ બિહાર તેમજ દેશના લોકોની નોકરીઓ છીનવી રહ્યા છે.
સુરક્ષા અને રોજગાર: શાહે ભારપૂર્વક જણાવ્યું કે રાષ્ટ્રીય સુરક્ષા અને યુવાનોના રોજગારના મુદ્દાને અવૈધ ઘૂસણખોરીથી અલગ કરી શકાય નહીં. તેમણે રાહુલ ગાંધીના નિવેદનને રાષ્ટ્રીય સુરક્ષાના ગંભીર મામલામાં રાજનીતિ સાથે જોડવાનો પ્રયાસ ગણાવ્યો. આ નિવેદનોથી બિહારના ચૂંટણી પ્રચારમાં ગરમાવો વધી ગયો છે
