November 12, 2026
ગુજરાત

આગામી ત્રણ દિવસ રેડ એલર્ટ અને વધુ વરસાદની શક્યતાને પગલે તંત્ર સંપૂર્ણ સતર્ક

અમદાવાદમાં સવારથી વરસેલા ધોધમાર વરસાદે જનજીવનને અસ્તવ્યસ્ત કરી નાખ્યું છે. ખાસ કરીને પશ્ચિમ અમદાવાદના અનેક વિસ્તારોમાં ભારે પાણી ભરાતા રસ્તાઓ જળમગ્ન બની ગયા છે. બપોર સુધીમાં શહેરમાં સરેરાશ 6 ઈંચ જેટલો વરસાદ નોંધાયો હતો. જોકે હવામાન વિભાગની આગાહી મુજબ ખતરો હજુ ટળ્યો નથી. અમદાવાદ પર ચક્રવાતી વાદળો સ્થિર હોવાના કારણે આજ કરતાં આવતીકાલે ભારેથી અતિભારે વરસાદ પડવાની શક્યતા છે. શહેર માટે આગામી ત્રણ દિવસ રેડ એલર્ટ જાહેર કરવામાં આવ્યું છે.

પશ્ચિમ અમદાવાદના એસ.જી. હાઇવે, સાયન્સ સિટી, થલતેજ અને બોડકદેવ સહિતના વિસ્તારોમાં ભારે પાણી ભરાયા છે. મ્યુનિસિપલ કમિશનર બંછાનિધી પાનીએ જણાવ્યું હતું કે ટૂંકા ગાળામાં પડેલા અતિભારે વરસાદને કારણે શહેરમાં પાણી ભરાવાની સ્થિતિ સર્જાઈ છે. AMC દ્વારા પાણીનો નિકાલ કરવા માટે ડીવોટરિંગ પંપ અને મેન્યુઅલ ટીમો તૈનાત કરવામાં આવી છે. તંત્ર દ્વારા લોકોને બિનજરૂરી બહાર ન નીકળવા અપીલ કરવામાં આવી છે.

આગામી આજે અને 25 જુલાઈએ ઉપરવાસમાંથી સાબરમતી નદીમાં વધુ પાણી આવવાની શક્યતાને ધ્યાનમાં રાખીને વાસણા બેરેજના તમામ ગેટ ખોલી દેવામાં આવ્યા છે. નદીનું પાણીનું સ્તર શક્ય તેટલું નીચું રાખવાની કામગીરી કરવામાં આવી રહી છે, જેથી વધારાનું પાણી સમાવી શકાય. આગામી ત્રણ દિવસ રેડ એલર્ટ અને વધુ વરસાદની શક્યતાને પગલે તંત્ર સંપૂર્ણ સતર્ક છે. નાગરિકોને સાવચેતી રાખવા અને સત્તાવાર સૂચનાઓનું પાલન કરવા અપીલ કરવામાં આવી છે.

Related posts

ક્રૂડના ભાવમાં ૩૨ ટકાનો ઘટાડો, છતાં પેટ્રોલ-ડીઝલના ભાવમાં ઘટાડો નહિ, સરકાર ઈચ્છેતો 18% ભાવ ઘટાડીનશકે

Ahmedabad Samay

વડતાલના સ્વામી નૌતમે આપ્યું એવું નિવેદન કે ચૂંટણીમાં ભાજપ ઉપર થશે વોટનો વરસાદ, જાણો શું છે નિવેદન

Ahmedabad Samay

ધોળા દિવસે જવેલર્સમાં લૂંટના પ્રયાસ કરનાર દંપતીની પૂછપરછમાં અનેક ખુલાસા થયા

Ahmedabad Samay

ગુજરાત યુનિવર્સિટીમાં શૈક્ષણિક વર્ષ 2026-27 ના અંડરગ્રેજ્યુએટ (UG) અને પોસ્ટગ્રેજ્યુએટ (PG) કોર્સના પ્રવેશ માટે MOP-UP પ્રક્રિયા શરૂ

Ahmedabad Samay

આ સપ્તાહ કેવો રહેશે આપનો જાણો શાસ્ત્રી શ્રી નિમેષભાઈ જોષી દ્વારા

Ahmedabad Samay

એશિયાની સૌથી મોટી દૂધની બ્રાન્ડ અમુલને મોંઘવારી નડી, કાલથી અમુલ દૂધના ભાવમાં થયો વધારો

Ahmedabad Samay

એક ટિપ્પણી મૂકો