બેંકોના ખાનગી કરણની હિલચાલના વિરોધમાં આજે સતત બીજા દિવસે જાહેર ક્ષેત્રની બેંકોમાં સજ્જડ હડતાલ જોવા મળી હતી આજે પણ કર્મચારીઓએ પોતપોતાની બેંક સમક્ષ શાંતિપૂર્વક દેખાવો યોજી પોતાનો વિરોધ પ્રદર્શિત કર્યો હતો. દરમ્યાન બે દિવસની હડતાલને કારણે શહેરના અનેક એટીએમ મશીન ખાલી થઇ ગયા હતા.
જયારે નાણા લઇ જવામાં ન આવતા કેશ ડીપોઝીટ મશીન હાઉસફુલ થઇ ગયા હતા બે દિવસની હડતાલને કારણે આજે બીજા દિવસે પણ બેંકોના ગ્રાહકો હેરાન-પરેશાન થયા હતા કાલથી બેંકો રાબેતા મુજબ શરૂ થતા જ ગ્રાહકો ઉમટી પડે તેવી શકયતા છે.
