July 23, 2024
ગુજરાત

અરબી સમુદ્રમાંથી ઉછળેલા ચક્રવાત બિપરજોયએ ગુજરાતના અનેક જિલ્લાઓમાં તબાહી મચાવી,વીજળી થઇ ગુલ

ગઇકાલે સાંજથી શરૂ થયેલી વાવાઝોડાની પ્રક્રિયા આખી રાત સુધી ચાલુ રહી હતી. ગુજરાતના કાંઠે વાવાઝોડા બિપરજોય ટકરાયા બાદ ૧૨૦ – ૧૩૦ કિમીની ઝડપે પવન યુંકાયો હતો અને ભારે વરસાદ પડતાં સૌરાષ્‍ટ્ર અને ખાસ કરીને કચ્‍છમાં વિનાશલીલા જોવા મળી છે. રાતભર ઝંઝાવાતી પવન ફુંકાતા ૧૦૦૦ ગામોમાં વિજળી ગુલ થઇ જતાં અંધારપટ છવાયો છે. ૫૧૦૦ થાંભલા પડી જતાં વિજળી વેરણ બની હહતી. ૧૫૦૦થી વધુ વૃક્ષો પડી ગયા છે. રાજ્‍યમાં ભાવનગર પંથકમાં લોકોના મોત થયા છે અને વિવિધ ઘટનાઓમાં ૨૩ને ઇજા થઇ છે. હવે વાવાઝોડું નબળુ પડયું છે અને તે સાયકલોનિક સ્‍ટોર્મમાં પરિવર્તીત થતાં સૌરાષ્‍ટ્ર-કચ્‍છમાં ભારે વરસાદ પડી રહ્યો છે. ગાંધીધામમાં ૮ ઇંચ વરસાદ પડયાના અહેવાલ છે. વાવાઝોડુ નબળુ પડી રાજસ્‍થાન તરફ જતાં ત્‍યાં ભારે વરસાદ પડવાના સંજોગો છે. ગુજરાતમાં વાવાઝોડાને કારણે ભારે તબાહી થઇ છે. દરિયાકાંઠાના વિસ્‍તારોમાં ભારે નુકસાન થયું છે. સરકારે પહેલેથી તૈયારી રાખી હોવાથી નુકસાન ઓછું થયું છે. સરકારે રાતથી જ રાહત – ઉગાર કાર્ય ચાલુ કર્યું છે. રાજ્‍યમાં ૨૩ જાનવરોના મોત થયા છે. વડાપ્રધાન મોદીએ સીએમ સાથે વાત કરી સ્‍થિતિનો તાગ મેળવ્‍યો હતો. મોરબી, કચ્‍છ, દ્વારકા પંથકમાં વધુ નુકસાન થયું છે.

અરબી સમુદ્રમાંથી ઉછળેલા ચક્રવાત બિપરજોયએ ગુજરાતના અનેક જિલ્લાઓમાં તબાહી મચાવી છે. ચક્રવાત ગઇકાલે સાંજે ગુજરાતના જખૌ બંદર પર ત્રાટક્‍યું હતું. આ પછી રાજયમાં ૧૧૫-૧૨૫ કિમી પ્રતિ કલાકની ઝડપે પવન ફૂંકાયો હતો. રાજયમાં પણ ભારે વરસાદ ચાલુ છે. જેના કારણે જનજીવન અસ્‍તવ્‍યસ્‍ત બની ગયું છે. ગુજરાતના કચ્‍છ જિલ્લામાં સેંકડો વૃક્ષો ધરાશાયી થયા, ઈલેક્‍ટ્રીક થાંભલા તૂટવાને કારણે અનેક વિસ્‍તારોમાં વીજ પુરવઠો ખોરવાઈ ગયો. દરિયાને અડીને આવેલા નીચાણવાળા વિસ્‍તારોમાં પાણી ભરાવાને કારણે પૂર જેવી સ્‍થિતિ સર્જાઈ હતી. રાજયમાં પૂર અને વરસાદને લગતી ઘટનાઓમાં ૨ લોકોના મોતના સમાચાર છે. જયારે ૨૨ લોકો ઘાયલ થયા છે.

રાત્રે આવેલા ભયંકર ચક્રવાતી વાવાઝોડા બિપરજોયએ તબાહીનો ઊંડો રસ્‍તો પાછળ છોડી દીધો છે. વાવાઝોડા બાદ ગઇ સાંજે રાજયના દરિયાકાંઠાના વિસ્‍તારોના ગામડાઓમાં તબાહી સર્જાઈ હતી. અનેક જિલ્લાઓમાં તોફાની પવન સાથે મુશળધાર વરસાદ હજુ પણ ચાલુ છે. વાવાઝોડાને કારણે હજારો વૃક્ષો અને સેંકડો વીજ થાંભલા ધરાશાયી થઈ ગયા હતા, જેના કારણે લગભગ ૧૦૦૦ ગામો અંધારામાં ડૂબી ગયા હતા.

ભારે વરસાદ અને ૧૧૫-૧૨૦ કિમી પ્રતિ કલાકની ઝડપે ભારે પવનને કારણે મોરબી જિલ્લામાં વિનાશ વેર્યો હતો, ૩૦૦ થી વધુ વિદ્યુત થાંભલા અને હજારો વૃક્ષો ધરાશાયી થયા હતા, જેના કારણે લગભગ ૪૫ વિસ્‍તારોમાં વીજ પુરવઠો ખોરવાઈ ગયો હતો. પヘમિ ગુજરાત વિજ કંપની લિમિટેડ (PGVCL) ના અધિકારીઓએ જણાવ્‍યું હતું કે નવ અસરગ્રસ્‍ત ગામોમાં વીજળી પુનઃસ્‍થાપિત કરવાના પ્રયાસો ચાલુ છે. મોરબીના કાર્યપાલક ઈજનેર, પીજીવીસીએલ, જે.સી. ‘વીજળીના વાયરો અને થાંભલાઓ જોરદાર પવનથી ઉખડી ગયા હતા, જેના કારણે માળિયા તાલુકાના ૪૫ ગામોમાં વીજ પુરવઠો ખોરવાઈ ગયો હતો. અમે ૯ ગામોમાં વીજળી પુનઃસ્‍થાપિત કરી રહ્યા છીએ અને બાકીના ગામોમાં વીજળી પુનઃસ્‍થાપિત કરવામાં આવી છે,’ ગોસ્‍વામીએ જણાવ્‍યું હતું. અધિકારીઓના જણાવ્‍યા અનુસાર ચક્રવાતી તોફાનના કારણે મોરબીના માળિયા તાલુકાના બે પાવર સ્‍ટેશન બંધ કરી દેવામાં આવ્‍યા છે,તટીય અને રણના વિસ્‍તારોમાં ૩૦૦ થી વધુ ઇલેક્‍ટ્રિક થાંભલાઓને નુકસાન થયું છે,

ગઇકાલે સાંજે  દરિયાકાંઠાના વિસ્‍તારોમાં ચક્રવાત બિપરજોયના કારણે ઇલેક્‍ટ્રિક થાંભલા અને વૃક્ષો ધરાશાયી થયા હતા, જયારે પિતા-પુત્ર સહિત બે લોકોના મોત થયા હતા અને ઓછામાં ઓછા ૨૨ લોકો ઘાયલ થયા હતા. ગયા. આ ઉપરાંત, ૨૩ પ્રાણીઓ પણ મૃત્‍યુ પામ્‍યા છે અને  રાત્રે ભારે પવન સાથે વિવિધ સ્‍થળોએ ૫૨૪ થી વધુ વૃક્ષો અને ઇલેક્‍ટ્રીક થાંભલા ધરાશાયી થયા હતા, જેના કારણે લગભગ ૯૪૦ ગામોમાં વીજળી ડૂલ થઈ હતી.

Related posts

નેશનલ ઈન્સ્ટિટ્યૂશનલ રેન્કિંગ ફ્રેમવર્ક દ્વારા જાહેર કરાયેલ રીપોર્ટ અનુસાર, જીટીયુ –જીએસપી સમગ્ર દેશમાં 71માં સ્થાને

Ahmedabad Samay

અમદાવાદમાં બીએમડબલ્યુ હિટ એન્ડ રન કેસ મામલે સત્યમ શર્માની ક્રાઈમ કુંડળી આવી સામે

Ahmedabad Samay

ગુજરાતમાં બુલેટ ટ્રેનનું કામ બન્યું તેજ, જાણો ક્યાં પહોંચું દેશની આ પ્રથમ ટ્રેનનું કામ

Ahmedabad Samay

સરદારનગર પોલીસ સ્ટેશન ચર્ચામાં, મારા મારીના ગુન્હામાં વહીવટ કરી એફ.આઇ.આર. ના બદલે ફક્ત એન.સી. ફરિયાદ નોંધી

Ahmedabad Samay

અમદાવાદની જીસીએસ હોસ્પિટલમાં ફાયર સેફ્ટી અંગે મોક ડ્રિલ યોજાઈ

Ahmedabad Samay

ઉત્તર ભારતીય વિકાસ પરિષદ દ્વારા પરપ્રાંતીયો ને શહેર છોડી ન જવા અપીલ કરાઇ, હેલ્પલાઇન નંબર જાહેર કરાયો

Ahmedabad Samay

એક ટિપ્પણી મૂકો