ઉપલેટાનાં વેણુ – ૨નાં ૧૯ દરવાજા ૧૮ ફૂટ ખોલાયા, હેઠવાસના ગામોને સાવચેત રહેવા સુચના ઉપલેટાનાં વેણુ – ૨ ડેમનાં ૧૯ દરવાજા ૧૮ ફૂટ ખોલાયા, હેઠવાસના ગામોને સાવચેત રહેવા સુચના રાજકોટ જિલ્લાના ઉપલેટા તાલુકાના ગધેથડ ગામ પાસેનો સિંચાઈ યોજના નંબર ૧૫૩ વેણુ – ૨ ડેમમાં ભારે વરસાદને કારણે પાણીની આવક સતત વધી રહી હોવાથી ડેમનાં ૧૯ દરવાજા ૧૮ ફૂટ ખોલવામાં આવ્યા છે. ડેમમાં હાલ ૧૪૨૭૫૬ ક્યુસેક પ્રવાહની આવક સામે ૧૪૨૭૫૬ ક્યુસેક પ્રવાહ છોડવામાં આવી રહ્યો હોવાથી ડેમની હેઠવાસમાં આવેલા ઉપલેટા તાલુકાના ગધેથડ, વરજાંગજાળીયા, મેખાટીંબી, નાગવદર અને નિલાખા ગામોના લોકોને નદીના પટમાં કે કાંઠા વિસ્તારમાં અવરજવર નહિ કરવા તેમજ સાવચેત રહેવા રાજકોટ ફ્લડ સેલની યાદીમાં જણાવ્યું છે. આજી-૩ ડેમ નિર્ધારિત ૭૦% ભરાઈ જતાં હેઠવાસના ગામોને સાવચેત રહેવા સુચના રાજકોટ જિલ્લાના પડધરી તાલુકાનો આજી-૩ ડેમ વરસાદને કારણે નિર્ધારિત સપાટીએ ૭૦ ટકા ભરાઈ ગયેલ હોય, પાણીની આવક વધતા ગમે ત્યારે ડેમના દરવાજા ખોલવામાં આવે તેવી શક્યતા છે. આથી, ડેમની હેઠવાસમાં આવતા ખજુરડી, થોરીયાળી, ખીજડીયા મોટા સહિતના ગામોના લોકોએ નદીના પટમાં કે કાંઠા વિસ્તારમાં અવરજવર નહિ કરવા તેમજ સાવચેત રહેવા મામલતદારશ્રી ડીઝાસ્ટર મેનેજમેન્ટ સેલ રાજકોટની યાદીમાં જણાવાયું છે.
