જમ્મુ કાશ્મીરના પહલગામમાં દાયકાઓ બાદ સહેલાણીઓ પર આતંકી હુમલો થયો છે. આ હુમલામાં 6 પ્રવાસીઓ ઘાયલ થયા છે. આતંકીઓએ પર્યટકો પર કાયરતાપૂર્ણ હુમલો કર્યો છે, જેના પગલે વિસ્તારમાં ભયનો માહોલ સર્જાયો છે. સેનાના જવાનોએ તાત્કાલિક કાર્યવાહી હાથ ધરીને સમગ્ર વિસ્તારમાં સર્ચ ઓપરેશન શરૂ કરી દીધું છે, જેથી હુમલાખોરોને પકડી શકાય. આ ઘટનાથી પ્રવાસીઓમાં ભારે ગભરાટ ફેલાયો છે.
દક્ષિણ કાશ્મીરના અનંતનાગ જિલ્લાના પહેલગામના પ્રખ્યાત પ્રવાસન સ્થળ બૈસરન ઘાસના મેદાનમાં મંગળવારે બપોરે 2-3 આતંકવાદીઓએ અચાનક પ્રવાસીઓ પર ગોળીબાર શરૂ કરી દીધો હતો. આ હુમલામાં બે સ્થાનિક અને ત્રણ બિન-સ્થાનિક પ્રવાસીઓને ગોળી વાગી હતી, જેમાં એકનું ઘટનાસ્થળે જ મૃત્યુ થયું હતું, જ્યારે અન્ય પાંચ ગંભીર રીતે ઘાયલ થયા હતા. દાયકાઓ બાદ, આ પહેલી ઘટના બની છે કે જેમાં આતંકીઓ એ પર્યટકો પર સીધો હુમલો કર્યો છે. આ ઘટનાથી, કાશ્મીર ફરવા આવતા હજ્જારો પર્યટકોમાં ગભરાટ ફેલાઈ ગયો છે.
અહેવાલો મુજબ, એક મહિલા પ્રવાસીએ કાશ્મીર પોલીસના પીસીઆરને ફોન કરીને જણાવ્યું હતું કે આતંકવાદીઓએ તેના અને તેના પતિ પર ગોળીબાર કર્યો હતો, જેમાં તેના પતિને માથામાં ગંભીર ગોળી વાગી છે. હુમલાની જાણ થતાં જ સુરક્ષા કર્મચારીઓ તાત્કાલિક ઘટના સ્થળે દોડી ગયા હતા અને હુમલાખોરોને પકડવા માટે કોર્ડન અને સર્ચ ઓપરેશન શરૂ કર્યું હતું. નાગરિકો અને પ્રવાસીઓની સલામતી સુનિશ્ચિત કરવા માટે સમગ્ર વિસ્તારને હાઈ એલર્ટ પર રાખવામાં આવ્યો છે અને વધારાના સુરક્ષા દળોને તૈનાત કરવામાં આવ્યા છે.
આ ઘટના ખીણના સૌથી વ્યસ્ત પ્રવાસી સમયગાળા દરમિયાન બની છે અને તે અમરનાથ યાત્રાની દેશવ્યાપી નોંધણી સાથે એકરૂપ થઈ છે. આ 38 દિવસની ધાર્મિક યાત્રા 3 જુલાઈથી બે માર્ગો દ્વારા શરૂ થવાની છે: અનંતનાગ જિલ્લાના પહેલગામ થઈને 48 કિમીનો લાંબો માર્ગ અને ગાંદરબલ જિલ્લાના બાલતાલ થઈને 14 કિમીનો ટૂંકો પરંતુ વધુ પડકારજનક માર્ગ.
પોતાની તાજેતરની જમ્મુ અને કાશ્મીરની મુલાકાત દરમિયાન, કેન્દ્રીય ગૃહ પ્રધાન અમિત શાહે એક ઉચ્ચ-સ્તરીય સુરક્ષા આકારણી બેઠકની અધ્યક્ષતા કરી હતી, જ્યાં તેમણે અધિકારીઓને જમ્મુ પ્રદેશ પર વિશેષ ભાર મૂકીને આતંકવાદને સંપૂર્ણપણે ખતમ કરવાનો નિર્દેશ આપ્યો હતો. તેમણે સત્તાવાળાઓને ઘૂસણખોરી અંગે શૂન્ય-સહિષ્ણુતાની નીતિ લાગુ કરવા પણ સૂચના આપી હતી. આ હુમલો સુરક્ષા દળો માટે એક મોટો પડકાર સાબિત થઈ શકે
