Railway News: રેલવે ટૂંક સમયમાં માલવાહક અને પાર્સલ ટ્રેનો (Parcel Trains) માં સામાનને ચોરીથી બચાવવા માટે ‘ઓટીપી’ (વન ટાઇમ પાસવર્ડ) આધારિત ‘ડિજિટલ લોક’ સિસ્ટમનો ઉપયોગ કરવાનું શરૂ કરશે. એક વરિષ્ઠ અધિકારીએ આ જાણકારી આપી છે. તેનો અર્થ એ છે કે, હવે તમારા સામાન અને પાર્સલને વધુ સારી રીતે સુરક્ષિત કરવામાં આવશે અને રેલવેમાં પરિવહન દરમિયાન ચોરીની શક્યતા ખતમ થઈ જશે.
માલ, પાર્સલ વહન કરતી ટ્રેનમાં ટૂંક સમયમાં લાગશે ‘ઓટીપી’ બેઝ્ડ ‘ડિજિટલ લોક’
આ સિસ્ટમનો ઉપયોગ સામાન્ય રીતે ટ્રકમાં થાય છે, જ્યાં ‘સ્માર્ટ લોક’ આપવામાં આવે છે. તેમાં જીપીએસ (ગ્લોબલ પોઝિશનિંગ સિસ્ટમ) ફીટ કરવામાં આવી છે. તેની મદદથી વાહનનું લોકેશન જાણી શકાય છે અને સામાનની ચોરીની શક્યતા ઘટી જાય છે. અધિકારીઓએ જણાવ્યું કે આ સિસ્ટમ સંપૂર્ણપણે સુરક્ષિત OTP પર આધારિત હશે, જેનો ઉપયોગ ટ્રેનના ડબ્બાના દરવાજા ખોલવા અને બંધ કરવા માટે કરવામાં આવશે.
કેવી રીતે કામ કરશે આ સિસ્ટમ
એક અધિકારીએ જણાવ્યું કે, યાત્રા દરમિયાન માલસામાનની પહોંચ શક્ય નહીં હોય. કમ્પાર્ટમેન્ટ OTP દ્વારા ખોલવામાં આવશે અને અન્ય OTP દ્વારા બંધ કરવામાં આવશે. હવે, અમે કમ્પાર્ટમેન્ટને સીલ કરીએ છીએ અને ખાતરી કરીએ છીએ કે દરેક સ્ટેશન પર સીલ અસ્પૃશ્ય રહે છે. જો દરવાજા સાથે ચેડાં થયા હોય અથવા અથડાયા હોય, તો પણ તે શોધી કાઢવામાં આવશે. કારણ કે, તરત જ અધિકારીના મોબાઇલ નંબર પર એલર્ટ મેસેજ મોકલવામાં આવશે.
ત્રણ રેલવે ઝોન કરી રહ્યા કંપનીઓની ઓળખ
તેમણે માહિતી આપી હતી કે, દરેક સ્ટેશન પર રેલવેના એક કર્મચારીને ઓટીપી પ્રાપ્ત થશે કે સામાનના લોડિંગ અથવા અનલોડિંગની પ્રક્રિયા પૂર્ણ થઈ ગઈ છે, તેથી એ સુનિશ્ચિત થઈ શકે કે, સિસ્ટમ સરળ છે. અધિકારીઓએ જણાવ્યું હતું કે, ઓછામાં ઓછા ત્રણ રેલવે ઝોન એવી કંપનીઓને ઓળખવામાં સક્રિયપણે સામેલ છે જે તેમને સસ્તા દરે આ સેવા પૂરી પાડી શકે.
