આંતરરાષ્ટ્રીય મહિલા દિવસની સાંજે અમદાવાદ મ્યુનિસિપલ કોર્પોરેશનના સોલિડ વેસ્ટ મેનેજમેન્ટ વિભાગની ટીમ નારણપુરા, પાલડી, મણીનગર, અંકુર, થલતેજ, નવરંગપુરા, જોધપુર, બોડકદેવ સહિતના વિસ્તારમાં સરપ્રાઈઝ ચેકિંગ માટે નીકળી હતી. જ્યાં એકપણ જગ્યાએ કોરોનાની ગાઈડલાઈનનું પાલન ન કરવામાં આવતા તમામ બજાર અને રેસ્ટોરાં બંધ કરાવવામાં આવ્યા છે.
AMCની કાર્યવાહી અંગે સોલિડ વેસ્ટ વિભાગના ડાયરેક્ટર હર્ષદ સોલંકીએ જણાવ્યું કે અમદાવાદ મ્યુનિસિપલ કોર્પોરેશન દ્વારા આઠ વિસ્તારોમાં ચેકિંગ શરૂ કરવામાં આવ્યું છે. જ્યાં કોરોના માર્ગદર્શિકાનું પાલન નથી થતું, તેવી હોટલ-રેસ્ટોરન્ટ ને બંધ કરવામાં આવે છે. તેમજ ગાઇડ લાઈન ફોલો કરવા માટે સમજવામાં આવી રહ્યા છે.
