ટાઈમ્સ ઓફ ઈઝરાયેલ અખબાર અનુસાર અફઘાનિસ્તાન સરકારે તાલિબાનના આતંકીઓને શહેરો પર હુમલા કરતા રોકવા માટે લગભગ આખા દેશમાં કરફ્યૂ લગાવી દીધો છે.
રાજધાની કાબૂલ અને અન્ય બે પ્રાંતત સિવાય આખા દેશમાં રાતે ૧૦.૦૦થી સવારે ૪.૦૦ વાગ્યા સુધી લોકોના હરવા-ફરવા પર પ્રતિબંધ મૂકાયો છે. બીજીબાજુ અમેરિકાનું સૈન્ય ઝડપથી અફઘાનિસ્તાનમાંથી નીકળી રહ્યું છે એવા સમયમાં અહીં તાલિબાનોને મદદ કરવા ચીન, પાકિસ્તાન અને તૂર્કીની ત્રેખડ સક્રિય થઈ ગઈ છે.
