ટ્રાફિક પોલીસે ફરી એક વખત ઇ-મેમો આપવાની શરૂઆત કરી દીધી છે. છેલ્લા એક મહિનામાં પોલીસે સ્ટોપ લાઈનભંગ કરતા ૪૩ હજારથી વધુ લોકોને ઇ-મેમો ઇશ્યું કર્યા છે.
કોરોનાના કહેર દરમિયાન લોકો ટ્રાફિક નિયમનને લઈને જાણે કે બેદરકાર હોય તેવું લાગી રહ્યું છે. હવે લોકોએ ચેતી જવાની જરૂર છે. જો ટ્રાફિકના નિયમનો ભંગ કર્યો તો આપના ઘરે ઇ- મેમો આવી શકે છે. ટ્રાફિક વિભાગે ફરી થી લોકોને પડતા પર પાટુ આપ્યું હોય તેમ ૨ મે થી ૨૮ મી મે સુધીમાં ૪૩૬૮૧ વાહન ચાલકો ને ૨ કરોડ ૮૩ લાખ ૯૯ હજારની રકમના ઇ-મેમો આપ્યા છે.
જો કે હાલમાં મોટાભાગે સ્ટોપ લાઈન ક્રોસ કરતા લોકોના જ મેમો ઈશ્યું થઈ રહ્યા છે. પરંતુ પોલીસે રોંગ સાઈડ આવતા ૮૫ વાહન ચાલકો ને ૪૩ હજારની રકમના ઇ-મેમો આપ્યા છે. હાલમાં અમદાવાદ શહેરમાં કુલ ૨૭ જંક્શન પર ઇ-મેમો ઈશ્યું કરવાની કામગીરી કરવામાં આવી રહી છે. જો કે આ સિવાય પણ ટ્રાફિક પોલીસ દ્વારા ટ્રાફિકના નિયમ નો ભંગ કરનાર પાસેથી સ્થળ દંડ પણ વસૂલવામાં આવી રહ્યો છે. અને આગામી દિવસો માં ટ્રાફિકના નિયમનું કડકપણે અમલ કરાવવામાં આવશે.
